13.08.2021

19344

1-октябрьдан бошлаб Электромобиллар махсус авторақамларга эга бўлади

Xabar.uz

2021-йил 1-октябрдан бошлаб электромобиллар учун алоҳида фарқловчи рўйхатдан ўтказиш давлат рақами берилади. Бу ҳақда Вазирлар Маҳкамасининг қарори қабил қилинди.

Қарорда кўра, электр қуввати билан ҳаракатланадиган, электр двигателининг қуввати 4 кВт ва ундан ортиқ ёки соатига 40 ва ундан юқори тезликка эга бўлган автомототранспорт воситалари (электромобил) учун алоҳида фарқловчи рўйхатдан ўтказиш давлат рақами белгилари жорий этилади.

Қайд этилишича, Ички ишлар вазирлиги томонидан 2021-йил 1-октябрдан бошлаб электромобиллар учун алоҳида фарқловчи рўйхатдан ўтказиш давлат рақами белгилари билан таъминлаш чораларини кўради.

Шунингдек, 2021-йил 1-ноябрга қадар электромобиллар учун расмийлаштирилган рўйхатдан ўтказиш давлат рақами белгилари қонунчилик ҳужжатларида белгиланган тўлов ва йиғимлар ундирилмасдан алмаштириб берилади.

Бунда электромобил эгасига аукцион савдолари орқали ютиб олинган ва оширилган тўлов ставкасидаги рўйхатдан ўтказиш давлат рақами белгилари мос равишда электромобиллар учун алоҳида фарқловчи рўйхатдан ўтказиш давлат рақами белгиларига алмаштириб берилишини таъминлайди.