08.06.2021

36122

«Паррандасаноат» уюшмасига янги раҳбар тайинланди

Xs.uz

Президент Шавкат Мирзиёев раислигида 8 июнь, сешанба куни ўтказилган йиғилишда давлат раҳбари «Паррандасаноат» уюшмасига янги раҳбар тайинланганини маълум қилди.

«Паррандачилик лойиҳаларини амалга оширишга ‘Микрокредитбанк’ масъул бўлади ва унга давлат томонидан 50 миллион доллар ресурс ажратилади. Ишлар натижасига қараб, яна 50 миллион доллар берилади.

Умуман, «Паррандасаноат» уюшмасига бугун янги раҳбар тайинладик. Уюшманинг янги раиси Баҳодир Исаев бир вақтнинг ўзида Ветеринария қўмитаси раисининг биринчи ўринбосари бўлади. Б.Исаевга инвестициялар жалб қилиш, лойиҳаларни шакллантириш, корхоналарнинг муаммоларини ҳал қилиш бўйича барча ваколатлар берилади. Унга ‘Микрокредитбанк’ яқиндан кўмакчи бўлади», — деди давлат раҳбари.