Қидирув натижалари:

Дунё

Конгодаги қамоқхонадан 900 нафарга яқин маҳбус қочиб кетди

17:58, 20.10.2020 765

...

Конго Демократик Республикасидаги Бени шаҳридаги қамоқхонадан 900 нафарга яқин маҳбус қочиб кетди. "The New York Times" нашрининг ёзишича, ушбу воқеа қамоқхонага «Ислом давлати» террорчилар гуруҳи таркибига кирувчи тўдалардан бирининг ҳужумидан сўнг юз берган. Террорчилар қамоқхона ва уни ҳимоя қилган ҳарбий лагерга ҳужум уюштирган. Шаҳар мери Модесте Бакванамаханинг сўзларига кўра, улар махсус ускуналар ёрдамида эшикларни бузишга муваффақ бўлган. Воқеа юз берган вақтда қамоқхонада 1000 нафардан ортиқ маҳбус сақланаётган эди. Манбага кўра, ҳозирча бирон бир террористик гуруҳ ушбу воқеани ўз зиммасига олгани йўқ. Бакванамаха эса ҳужум «Ислом давлати» террорчилар гуруҳи томонидан бошқариладиган гуруҳлардан бири томонидан уюштирилганини айтмоқда. 2014 йилда қуролланган шахслар томонидан Конго шарқидаги қамоқхонага уюштирилган ҳужум оқибатида 370 маҳбус қочиб кетган эди.


АКТУАЛ ХАБАРЛАР