Америка Қўшма Штатлардан ўн икки ёшли бола коллежнинг иккинчи босқичига ўқишга қабул қилинди. Жоржия штатида яшовчи Калеб Андерсон тўққиз ойлигида имо-ишора тилини ўрганган. У тез орада ўқишни ўрганган ва ва икки ёшида математика масалаларини еча бошлаган. Кейин ота-онаси ўғлини биринчи синфга беришади. «Яхши эслайман, барча синфдошларим мендан баландроқ эдилар. Ўшанда мен жуда кичкина эдим, зўрға юрардим ", дейди Андерсон Уч ёшида ўзининг ажойиб қобилиятлари учун "MENSA" — IQ даражаси юқори бўлган одамлар бирлашмасига қабул қилинади. «У тенгдошларидан математика билимлари бўйича устун эди. Биз ўшандаёқ Калебнинг ўзига хос эканлигини англагандик”, - дейди боланинг ота-онаси. У 11 ёшида Чаттахучи техника коллежига ўқишга киради. Ҳозир Калеб 12 ёшда ва у иккинчи курсда ўқишни давом эттирмоқда. Икки йил ичида у аэрокосмика муҳандислиги бўйича бакалавр даражасига эга бўлади. Бола келажакдаги касбини онгли равишда танлаганини ва ёшлигидан у космосга учишни орзу қилган. Андерсон келгусида Жоржия технология институти ёки Массачусетс технология институтига ўқишга кирмоқчи.