Қидирув натижалари:

Жамият

Ўзбекистон Россиядан 10 та метро поездини сотиб олади

21:11, 07.04.2021 67

...

Ўзбекистон Республикаси Президентининг «Тошкент метрополитенининг ер усти линияси учун ўнта метро поездини сотиб олиш» лойиҳасини амалга ошириш тўғрисида»ги қарорига мувофиқ, «Ўзбекистон темир йўллари» АЖ «Тошкент метрополитени» УК «Метровагонмаш» АЖдан (Россия) ўнта метро поездини 52,85 млн еврога сотиб олиш бўйича шартнома имзолади. 

Қайд этилишича, 5 апрель куни INNOPROM-2021 халқаро саноат кўргазмасида мазкур қарор ижросини таъминлаш мақсадида кредит келишуви имзоланди. 

Кредитларни молиялаштириш «Ривожланиш ва ташқи иқтисодий ишлар банки» давлат корпорацияси (30,4 млн евро) ва Россиянинг экспорт-импорт банки (22,4 млн евро) манбалари ҳисобидан амалга оширилади.

Шунингдек, келишувга кўра, замонавий ва Ўзбекистон иқлимига мослаштирилган дастлабки 5 та метро поездларини етказиб бериш шу йилнинг ёз ойида амалга оширилади. Қолган 5 та поезд 2021 йил охиригача олиб келинади. Янги метро вагонларининг эксплуатация жараёни 30 йилгача.

 

Эслатиб ўтамиз, аввалроқ Россия Ўзбекистонга 20 та замонавий тез ёрдам машинасини топширгани ҳақида хабар қилинган эди.

 


АКТУАЛ ХАБАРЛАР