Қидирув натижалари:

Дунё

930 миллион тоннадан ортиқ озиқ-овқат ахлат қутиларида тугамоқда

16:13, 06.03.2021 244

...

Ҳар йили дунё бўйича 930 миллион тоннадан ортиқ озиқ-овқат истеъмолчилар столида эмас, балки ахлат қутиларида тугайди. 

БМТ Атроф-муҳит дастури (UNEP) нинг ҳисоботига кўра, йўқотишлар ишлаб чиқарилган озиқ-овқат маҳсулотларининг тахминан 17 фоизини ташкил қилади. Яна бир қанча озиқ-овқат пештахтага этиб бормай, далада чириб қолади ёки етказиб бериш пайтида сифати бузилади.

Маълумотларга кўра, Россиянинг ҳар бир фуқароси йилига 33 кг, Украина, Словакия ва Руминия аҳолиси 70 кг дан озиқ-овқатни исроф қилади. Венгерлар минтақадаги энг исрофгар мамлат ҳисобланади - ҳар бир аҳоли учун йилига 90 кг озиқ-овқат тўғри келади. Арманистон ва Озарбайжонда - бу кўрсаткич бундан ҳам юқори: киши бошига йилига 93 кг.

Қайд этилишича, сайёра аҳолиси сотиб олинаётган озиқ-овқат маҳсулотларининг 11 фоизини, ресторанлар 5 фоизини, савдо тармоқлари эса 2 фоизини ташлаб юборади.


АКТУАЛ ХАБАРЛАР