Қидирув натижалари:

Дунё

Грузия карантин чекловларини олиб ташламоқда ва 1 мартдан сайёҳларни қабул қилишни бошлайди

08:09, 25.02.2021 209

...

Мамлакат 1 мартдан бошлаб COVID-19’нинг манфий тест натижасига эга чет эллик сайёҳлар учун чегараларни очади.

«Ҳукумат шаҳарлараро транспортлар ҳаракати чекловларини 25 февралдан бекор қилади. Шунингдек, 25 февралдан тоғли курортларда меҳмонхоналар очилади. Ресторанлар ва умумий овқатланиш шохобчалари Батумида 1 мартдан бошлаб дам олиш кунларидан ташқари ишлаши мумкин. Бутун мамлакат бўйлаб эса бу чекловлар 8 мартда олиб ташланади», — деди Гарибашвили.

Шу билан бирга, бош вазир таъкидлашича, соат 21:00 дан 05:00 гача ҳаракат чеклови амалда қолади. Шунингдек, 1 мартдан музейлар ва кутубхоналар фаолиятига рухсат берилади, 15 мартдан эса талабалар университетга қайтишлари мумкин.

Гарибашвили мамлакат сайёҳлар учун очилаётганини қўшимча қилди. 1 мартдан бошлаб Украина, Арманистон, Озарбайжон, Қозоғистон, Россия ва Беларусь фуқаролари ПЦР тестининг манфий натижалари тақдим этилгандан сўнг Грузияга киришлари мумкин.

«Грузиянинг қуруқликдаги чегаралари чет эл фуқаролари учун ёпиқ бўлиб қолмоқда», — деди бош вазир.


АКТУАЛ ХАБАРЛАР