Қидирув натижалари:

Дунё

Грузия собиқ Бош вазири истеъфосига сабабчи бўлган мухолифат лидери ҳибсга олинди

13:20, 23.02.2021 124

...

Грузиянинг «Бирлашган миллий ҳаракат» мухолифат партияси раиси Ника Мелия сиёсий уюшма офисида ҳибсга олинди.

Амалиёт давомида ҳуқуқни муҳофаза қилиш органлари ходимлари «Бирлашган миллий ҳаракат» партияси офиси биносининг бутун атрофида кўздан ёш оқизувчи газдан фойдаланган.

Маълум қилинишича, Мелиядан ташқари бир нечта одамлар ҳам ҳибсга олинган. 

Қайд этилишича, 17 февраль куни Тбилиси суди Мелияни 2019 йил июнь ойидаги тартибсизликлар доирасида 40 минг лари (12 минг доллар) гаров пули тўламагани учун ҳибсга олишга қарор қилганди. Мелиянинг ўзи суднинг ҳибсга олиш тўғрисидаги қарорини ихтиёрий равишда бажаришдан бош тортганини маълум қилганди.

Ушбу суд жараёни эса мамлакатда сиёсий инқирозни келтириб чиқарди. 

Вазият фонида Грузия Бош вазири Георгий Гахария ҳамкасблари билан келишмовчилик туфайли истеъфога чиқди.


АКТУАЛ ХАБАРЛАР