Қидирув натижалари:

Жамият

БМТТД Ўзбекистондаги 100 та маҳаллага ноутбук топширди

16:10, 22.02.2021 820

...

БМТТД Япония ҳукуматининг молиявий кўмаги билан маҳалла қўмиталари учун 100 та ноутбук ва роутерларни тақдим этди.

Бу маҳаллий давлат ҳокимияти органлари ходимларига электрон ҳужжат айланиши тизимида ишлашга имкон беради ва шу билан фуқароларга давлат хизматларини кўрсатишни тезлаштиради.

БМТТД, Япония Ҳукуматининг молиявий ёрдамида, аҳолининг ҳимояга муҳтож гуруҳларини қўллаб-қувватлаш учун зарур бўлган рақамли инфратузилма ва хизматларни яратиш бўйича Маҳалла ва оилани қўллаб-қувватлаш вазирлигига техник кўмак кўрсатди. Тизим 100та маҳаллада ишга туширилган бўлиб, маҳалла қўмиталари маъмуриятларининг кундалик ишларида синовдан ўтказилади.

«Ушбу тизим қарорларни қабул қилиш бўйича ўрнатилган механизм томонидан фойдаланиш учун маълумотларни тўплайди ва таҳлил қилади, ва шу орқали энг эҳтиёжмандларни ижтимоий қўллаб-қувватлаш учун устуворлик тартибини аниқлашга кўмак беради»,- дейилади хабарда.

Бундан ташқари, зўравонликдан азоб чеккан аёлларнинг малака ошириши, мақбул иш топишида ёрдам бериш ҳамда ишсиз фуқароларни, ижтимоий ҳимояга муҳтож оилаларни ижтимоий қўллаб-қувватлаш бўйича вазирликнинг техник имкониятларини кенгайтириш учун ягона маълумотлар базаси ишлаб чиқилаётгани маълум қилинди. 


АКТУАЛ ХАБАРЛАР