Қидирув натижалари:

Жамият

Тoшкентда Фармацевтика техник университети очилади

14:48, 22.02.2021 131

...

Тошкент вилояти Қибрай туманида «Tashkent Pharma Park» инновацион илмий-ишлаб чиқариш фармацевтика кластери доирасида Фармацевтика техник университети очилади.

Маълумотларга кўра, бу 17 февраль куни қабул қилинган «Tashkent Pharma Park инновацион илмий ишлаб чиқариш фармацевтика кластерининг фаолиятини ташкил этиш ва молиялаштириш чора-тадбирлари тўғрисида» ги Вазирлар Маҳкамаси қарорига киритилган.

Университет дори воситалари, тиббий буюмлар ва тиббий техника ишлаб чиқариш, косметология, тармоқ ва бизнесни бошқариш соҳаларида халқаро таълим стандартларига мувофиқ малакали кадрлар тайёрлайди. Шунингдек, кластер ўз ичига қуйидаги вазифаларни олади:

  • инновацион ечимларни жорий этиш орқали фармацевтика саноатини ривожлантириш;
  • ихтисослаштирилган таълим инфратузилмасини яратиш;
  • инвестициялар ва илғор технологияларни жалб қилиш;
  • халқаро стандартларга мувофиқ дори воситалари ва тиббиёт ускуналарини ишлаб чиқариш;
  • хорижий давлатларнинг етакчи таълим муассасалари ва илмий марказлари билан алоқаларни ривожлантириш.

Эслатиб ўтамиз, аввалроқ, Бухорода психология ва хорижий тиллар университети очилиши маълум қилинган эди.


АКТУАЛ ХАБАРЛАР