Қидирув натижалари:

Сиёсат

Шавкат Мирзиёев таътилдан қайтди

16:29, 11.01.2021 656

...

Президент Шавкат Мирзиёев 11 январь куни Жиззах вилоятига келди.

Президент матбуот хизматининг хабар беришича, давлат раҳбари дастлаб Марказий ҳарбий округнинг артиллерия бригадасини бориб кўрган.

«Асосий мақсадимиз - халқ билан армия бирдамлиги. Ҳарбий қисмлар эшиклари эл учун очиқ бўлиши керак. Миллий армиямизнинг нури, маънавияти ҳаммага етиб бориши зарур. Ёшларни бу ерга олиб келиб кўрсатиш,ўргатиш керак. Бу уларни ватанпарварлик руҳида тарбиялаш, мамлакатимиз тарихи ва қудрати ҳақида билимларини бойитишга хизмат қилади. Бундан ота-оналар ҳам хурсанд бўлади»,- деди Президент.

Президент аскарларнинг ўқув машғулотларини кўздан кечирган. 

Ҳарбий билим ва кўникмаларни мактаб давриданоқ йўлга қўйиш, ҳарбий билим юртлари билан округлар ўртасидаги алоқани кучайтириш муҳимлигини таъкидлаган.

Шавкат Мирзиёев ҳарбий қисмдаги тиббиёт пунктини ҳам кириб кўрган. Шунингдек, Мудофаа вазирлигининг захираси сифатида  ҳар бири 500 ўринлик иккита мобил госпитал ташкил этиш бўйича топшириқ берган.

Эслатиб ўтамиз, Президент Шавкат Мирзиёев 4 январь куни қисқа муддатли таътилга чиққан эди.


АКТУАЛ ХАБАРЛАР