Ўзбекистонда коронавирус пандемияси билан боғлиқ вазият ҳозирча барқарор, лекин бу хотиржамликка берилиш учун асос бўла олмайди, дея таъкидлади  Ўзбекистон соғлиқни сақлаш вазири Абдуҳаким Ҳожибоев Ҳиндистон элчиси Маниш Прабхат билан бўлиб ўтган учрашувда.

Мулоқот давомида,  Ҳиндистон элчиси Президентимиз раҳнамолигида мамлакатимизда коронавирус инфекциясига қарши курашиш бўйича кўрилаётган чора-тадбирларни юқори баҳолади, шу сабабли касаллик тарқалиши ҳозирги вақтда сезиларли даражада камайганини эътироф этди. Ўз вақтида кўрилган чоралар СОВИД-19 оқибатларини минималлаштиришга сабаб бўлаётгани қайд этилди. М. Прабхат пандемия даврида Ўзбекистон аҳолиси юқори интизом ва масъулият кўрсатганини, бу яхши натижаларга эришишга ҳисса қўшганини ва ҳукуматга вазиятни шу кунга қадар назорат остида ушлаб туришига имкон бераётганлигини  таъкидлади.

«Бошқа мамлакатлар тажрибасига кўра, СОВИД-19 нинг иккинчи тўлқинидан қочиб бўлмайди, деган тушунча мавжуд. Бунинг учун мамлакатда унга тайёргарлик кўриш бўйича ишлар олиб борилмоқда», — дейилади ССВ хабарида.