O‘zbekistonda karantinning qachon tugashi noma’lum ekanligi aytildi

O‘zbekistonda koronavirus sababli joriy qilingan karantin muddatining qachon tugashi noma’lum. Bu haqda Bosh davlat sanitariya inspektori Nurmat Otabekov ma’lum qildi.

Uning so‘zlariga ko‘ra, karantin kasallikning yashirin davri uchun belgilangan muddat hisoblanadi. Shuning uchun karantin davrini tugatish masalasi eng oxirgi aniqlangan bemor ham shifoxonaga yotqizilganidan 14 kun o‘tgach, boshqa hech kimda kasallik aniqlanmaganiga to‘liq ishonch hosil qilingandan so‘ng ko‘rib chiqiladi.

Bosh davlat sanitariya inspektorining qayd etishicha, karantin davrini tugatish Respublika maxsus komissiyasi qaroriga ko‘ra amalga oshiriladi.