JST tibbiy niqoblarni kimlar taqishi zarurligiga aniqlik kiritdi

Himoya niqoblarini sogʻlom kishilar emas, balki infektsiya tarqalishining oldini olish uchun bemor odamlar taqishi zarur, dedi bugun boʻlib oʻtgan brifingda Jahon sogʻliqni saqlash tashkiloti favqulodda kasalliklar boʻlinmasi rahbari Mariya Van Kerkxove.

Foto: Sputnik

“Biz bu yerda tibbiy, jarrohlik niqoblari haqida gapirayapmiz. JSST tavsiyalariga koʻra, niqoblarni kasallikni yuqtirgan bemorlar taqishlari kerak. Masalan, nafas olishda muammo paydo boʻlgan bemorlar. Va buning sababi – virusning yana kimgadir yuqishining oldini olish”, – dedi ayol.

JSST shuningdek, qoʻlni yaxshilab yuvish va oʻz tanasining boshqa qismlariga teginmaslikni tavsiya etgan.

Xitoyning orol qismida koronavirusga chalinganlar soni 78 ming kishidan oshib ketdi, ulardan 2744 vafot etgan, 32 mingdan ortigʻi tuzalgan. JSST maʼlumotlariga koʻra, dunyoning 33 mamlakatida 80 mingdan ortiы COVID-19ga chalinish holatlari qayd etilgan.