Dzyudochilar Fransiyada o‘tkazilgan «Katta dubulg‘a» turnirida ikkita medalni qo‘lga kiritdi

8−9 fevral kunlari Parijda «Katta dubulg‘a» turniri bo‘lib o‘tdi. Musobaqada dunyoning 115 mamlakatidan 740 ga yaqin sportchi, shu jumladan, O‘zbekiston dzyudochilari ishtirok etdi. Jang yetti vazn toifasida bo‘lib o‘tdi: -60, -66, -73, -81, -90, -100, +100 kg — erkaklar, -48, -52, -57, -63, -70, -78, + 78 kg ayollar.

Musobaqada O‘zbekistondan 14 nafar sportchi: Kemran Nurillayev, Sardor Nurillayev, Diyorbek O‘rozboyev, Hikmatulloh To‘rayev, G‘iyozxon Boboyev, Kamoliddin Rasulov, Sharofiddin Boltaboyev, Davlat Bobonov, Muhammadkarim Xurramov, Alisher Yusupov, Bekmurod Oltiboyev, Diyora Keldiyorova, Gulnoza Matniyazova va Nodira Yuldasheva ishtirok etdi.

O‘zbekiston Milliy olimpiya qo‘mitasi matbuot xizmatining xabar berishicha, Hikmatilloh To‘rayev (-73 kg) turk dzyudochisi Bilol Chilo‘g‘lini 10 soniya ichida mag‘lubiyatga uchratib, bronza medali va 2020 yilgi Olimpiada o‘yinlarining 500 reyting ochkosi sohibiga aylandi.

Sharofiddin Boltaboyev (-81 kg) esa musobaqaning kumush medaliga sazovor bo‘ldi. Finalda u belgiyalik dzyudochi Matias Kasset bilan jang qildi, jang «Oltin nuqta»ga qadar davom etdi. Sportchi birinchi marta ushbu turnirning medalini qo‘lga kiritdi, shuningdek, 2020 yilgi Olimpiada o‘yinlarining 700 reyting ochkosini oldi.