O‘zbekistonda 2020-yil 1-yanvardan jismoniy shaxslar uchun yagona bojxona to‘lovi joriy etiladi

0
32
marta oʻqilgan

O‘zbekiston Prezident 7-noyabr kuni “Jismoniy shaxslar tomonidan shaxsiy ehtiyojlari uchun tovarlarni olib o‘tish tartibini yanada takomillashtirish to‘g‘risida” qarorni imzoladi. Bu haqda Adliya vazirligi xabar berdi.

Foto: Interfax

Qarorga muvofiq, 2020-yil 1-yanvardan quyidagi tartiblar belgilandi:

  • notijorat maqsadlar uchun O‘zbekistonning davlat chegarasidan o‘tish punktlari orqali qo‘l yukida va kuzatib borilayotgan yukida tovarlar olib kirayotgan jismoniy shaxslar uchun, shuningdek, jismoniy shaxs nomiga xalqaro pochta va kuryerlik jo‘natmalari orqali keladigan tovarlarga nisbatan qonun hujjatlarida belgilangan bojxona boji, qo‘shilgan qiymat solig‘i va aksiz solig‘i o‘rniga yagona bojxona to‘lovini to‘lashni nazarda tutuvchi bojxona to‘lovlarini undirishning soddalashtirilgan tartibi joriy etiladi;
  • jismoniy shaxslar tomonidan shaxsiy ehtiyojlari uchun bojxona chegarasi orqali qo‘l yukida, kuzatib borilayotgan yukida, shuningdek, pochta jo‘natmalari orqali olib kiriladigan hayvonotga mansub oziq-ovqat mahsulotlarida ishlab chiqarish o‘rovining majburiy mavjudligi to‘g‘risidagi talab o‘rnatiladi.

Shuningdek, yagona bojxona to‘lovi bojxona to‘lovlari undirilmaydigan tovarlarni jismoniy shaxslar tomonidan respublikaga olib kirishning cheklangan me’yorlaridan ortgan taqdirda, O‘zbekiston Respublikasi Tashqi iqtisodiy faoliyat tovar nomenklaturasi kodidan va kelib chiqish mamlakatidan qat’i nazar tovarlarning barcha toifalari bo‘yicha bojxona qiymatidan kelib chiqqan holda, cheklangan me’yorlardan ortiq qismiga nisbatan undiriladi.

Qaror bilan quyidagilar tasdiqlandi:

  • tovarning bojxona qiymatidan 30 foiz, lekin har bir kilogrami uchun 3 dollardan kam bo‘lmagan miqdorda yagona bojxona to‘lovi stavkasi;
  • Jismoniy shaxslar tomonidan shaxsiy ehtiyojlari uchun olib kiriladigan tovarlar toifasiga kirmaydigan tovarlar ro‘yxati.

Avvaloq Davlat bojxona qo‘mitasi mazkur qaror loyihasini muhokamaga qo‘ygan va unga izoh bergan edi.

Izoh qoldiring:

Please enter your comment!
Ismingizni kiriting