O‘zbekistonda minilgan eski avtomobilni topshirib, yangisini olib ketish mumkin bo‘ladi

0

Axborot va ommaviy kommunikatsiyalar agentligida “O‘zavtosanoat” aktsiyadorlik jamiyati vakillari ishtirokida “O‘zbekistonda avtomobilsozlikni rivojlantirish strategiyasi” mavzusida brifing bo‘lib o‘tdi.

Korrespondent.uz 050
Foto: Sof.uz

“O‘zavtosanoat” strategik rejalashtirish direktsiyasi boshlig‘i Rustam Qodirov O‘zbekiston avtobozorida trade-in amaliyoti tatbiq qilinishini ma’lum qildi.

“Mamlakatimizda avtomobillardan foydalanish bo‘yicha yangi tizim joriy etilishi rejalashtirilmoqda. Masalan, sizning mashinangiz bor, 3-5 yoki 10 yil mingansiz, uni yangilamoqchisiz. Lekin yangi mashina sotib olish uchun pulingiz kamroq bo‘lishi mumkin. Siz eski, ya’ni hozir minib yurgan mashinangizni dillerga borib topshirasiz-da, yangi avtomobil o‘rtasidagi farqni to‘lov qilasiz, almashtirib ketaverasiz, yangilab olasiz”, – dedi Rustam Qodirov.

Qayd etilishicha, bu yangi avtomobillar savdosini kuchaytiradi. Shuningdek, aholi ixtiyoridagi avtomobillar parkini yaxshilash imkonini beradi.

Izoh qoldiring:

Please enter your comment!
Ismingizni kiriting