The Times: Britaniya bosh vaziri Tereza Mey iste’foga chiqishini 24-may kuni e’lon qiladi

0
20
marta oʻqilgan

Buyuk Britaniya bosh vaziri Tereza Mey iste’foga chiqishi haqida 24-may kuni ma’lum qilmoqchi, deya xabar bermoqda The Times. “Kommersant”ning yozishicha, buning sabablaridan biri sifatida Tereza Mey tomonidan may oyida taqdim etilgan Brexit bitimining yangi versiyasi hukumat tomonidan qo‘llab-quvvatlamaganligi ko‘rsatilmoqda.

korrespondent uz 0467 The Times Britaniya bosh vaziri Tereza Mey iste’foga chiqishini 24-may kuni e’lon qiladi
Foto: Reuters

“U so‘nggi qadamni tashlashga qaror qilgan edi, lekin buning iloji bo‘lmasa, demak u bu yo‘lni tark etadi”, — degan bosh vazirning safdoshlaridan biri.

Ushbu qaror haqida Konservatorlar partiyasi yetakchilarini saylash va ularni o‘zgartirish bilan shug‘ullanuvchi 1922-yil qo‘mitasi rahbari Grem Breydi bilan 24-may kuniga rejalashtirilgan uchrashuvdan so‘ng e’lon qilinishi mumkin.

Avvalroq Buyuk Britaniya parlamenti quyi palatasi yetakchisi Andrea Lidsom iste’foga chiqishini e’lon qilgandi. U Brexit bo‘yicha bosh vazir fikriga va u taklif qilgan shartlarga qo‘shilmasligini bildirgan. Lidsom xonimning aytishicha, taklif qilinayotgan kelishuv Buyuk Britaniyaga “haqiqiy suveren” bo‘lishga yordam bermaydi.

Tereza Mey 21-may kuni Brexit bo‘yicha qonun loyihasining yangi tahririni taqdim etdi, u parlamentga ushbu loyihani iyul oyida ovozga qo‘yishni taklif qilmoqchi edi. Hujjatga muvofiq, hukumat 2020-yil dekabriga qadar Irlandiya bilan chegara masalasida “sug‘urta rejasi”ni tayyorlashi kerak. Shuningdek, parlament a’zolariga Brexit bo‘yicha yangi referendum o‘tkazish zarurati masalasida ovoz berish huquqini ham taqdim etish ko‘zda tutilayotgan edi.