Maykl Jeksonning Londondagi haykali janjalli film sababli olib tashlandi

0

Londonda mashhur pop qo‘shiqchi Maykl Jekson haykali “Neverlandni tark etib” filmi namoyishidan so‘ng yuzaga kelgan janjal sababli buzib tashlangan, deya xabar beradi“Gazeta.ru”.

Qo‘shiqchining haykali Londondagi Milliy futbol muzeyi yaqinida joylashgan edi. U 2014-yilda o‘rnatilgan, ammo hozirda butunlay yo‘q qilingan.

Haykal qo‘shiqchi atrofida sodir bo‘lgan voqealar haqidagi hujjatli film namoyishidan so‘ng buzib tashlangan.

Film ikki yigit, 37 yoshli Jeyms Seyfchak va 41 yoshli Ueyd Robsonning bolalik xotiralari asosida olingan. Ular bolaligida pop-yulduz bilan do‘st bo‘lgan, ammo katta bo‘lgach qo‘shiqchi tomonidan zo‘ravonlik qurboni bo‘lganini anglagan.