Zeromaxʼning sobiq rahbari Mirodil Jalolov qamoqdan chiqarildi

0

Zeromax shirkatining sobiq bosh ijrochi direktori 53 yashar Mirodil Jalolov 8-yanvar kuni ozod qilinib, Toshkentdagi uyiga keldi.

Foto: Uz24.uz

Jinoyat ishlari boʻyicha Toshkent viloyat sudi Jalolovga nisbatan “qamoq” ehtiyot chorasini bekor qilib, sud zalidan ozod qilgan.

Ayni paytda sud oʻz hukmi bilan Mirodil Jalolovni aybli deb topib jarimaga tortgan:

M. Jalolov JKning 167-moddasi 3-qismi “a” bandi¸ 228-moddasi 2-qismi “a, b” bandlari va 228- moddasi 3-qismi bilan aybli deb topilgan. Unga 17 687 040 soʻm jarima jazosi tayinlangan.

2010-yil hibsga olingan Jalolov ishi 2017 yilning 4 yanvarida koʻrib chiqilgan edi.

2017-yilgi sud ajrimida Mirodil Jalolovga “jinoyat ishi boʻyicha yetkazilgan zararni qoplash uchun vaqt” berilgani alohida taʼkidlangandi.

Biroq zararni qoplay olmaganidan soʻng, Mirodil Jalolovni mart oyida yana qamoqqa olingan edi.

Izoh qoldiring:

Please enter your comment!
Ismingizni kiriting